حوزہ نیوز ایجنسی کی رپورٹ کے مطابق، کل ہند شیعہ مجلسِ علماء و ذاکرین، حیدرآباد دکن کے صدر مولانا ڈاکٹر سید نثار حسین حیدر آقا کی زیرِ نگرانی شریعت کدہ میں ایک اہم اجلاس منعقد ہوا، جس میں شہر حیدرآباد کے ممتاز اور سرکردہ علماء کرام نے شرکت کی۔
اجلاس میں معاشرتی اور شرعی امور پر تفصیلی تبادلۂ خیال کیا گیا، خصوصاً نکاح، طلاق اور خلع جیسے حساس اور اہم موضوعات زیرِ بحث آئے۔ علماء کرام نے موجودہ دور میں طلاق و خلع کی بڑھتی ہوئی شرح پر گہری تشویش کا اظہار کیا اور اس کے اسباب و نتائج پر سیر حاصل گفتگو کی۔
اس موقع پر اس بات پر بھی غور و خوض کیا گیا کہ ان مسائل کے مؤثر حل کے لیے ایک جامع اور عملی لائحۂ عمل مرتب کیا جائے، تاکہ خاندانی نظام کو مضبوط بنایا جا سکے اور معاشرے میں بڑھتے ہوئے انتشار کا سدِباب ہو۔ علماء کرام نے مختلف تجاویز اور آراء پیش کیں اور اس امر پر اتفاق کیا کہ ان شاء اللہ بہت جلد ایک منظم منصوبہ ترتیب دیا جائے گا جس کے ذریعے عوام میں شرعی آگاہی پیدا کی جا سکے۔
آپ کا تبصرہ